x

Макрон не хоче розшырити Унію, покля не перейде реформами

00

Французькый презідент Еммануел Макрон в понедільок повів, же заблокує будьякы пробы о розшыріня Европской унії, покля Унія не перейде глубокыма реформами в области їй фунґованя, інформовала аґентура Associated Press. Европска комісія рекомендує отворіня приступовых їднань о членстві в Унії з Албанійов і Севернов Македонійов. Членьскы державы о їх будучности мають вырішыти в октобрі. Перенесіня приступовых їднань з тыма державами на пізніше може подля аґентуры запричінити нарушіня стабіліты в реґіоні Балкану. Высока комісарька Европской унії про загранічну і безпечностну політіку Федеріка Моґерініова в маї остерігала, же будьякый неуспіх в повязаню зо зачатьом їднань може підкопати стабіліту і одрадити од будучіх реформ.

(Медвідь, TASR)