Брітаньска влада в пондільок запровадила санкції на десяткы особ і субєктів скапчаных із Іраном. Ку тому кроку приступила по тім, як Орґанізація зъєдиненых народів і Европска унія прияли наряджіня, котры мають подля Лондона обмеджіти намагы Ірану о шыріня ядровой зброї. Великобрітаня, Франція і Німецько ініціовали обновліня санкцій односно Ірану в рамках Безпечностной рады ОЗН з причіны підозріня з порушіня договору із 2015-го року, котрого цільом было заборонити Ірану робити на ядровій бомбі. Тегеран все дементує, же бы мав намагу здобыти ядрову зброю.

(Медвідь, TASR)