В понедїлёк (10. 11.) ся зачінать найвекша науково-популарізачна подїя рока Тыждень наукы і технікы на Словеньску. Буде до недїлї (16. 11.) а темов 22. рочника є Жывот з умелов інтеліґенціёв. TASR о тім інформовала шпеціалістка екстерной комунікації Центра науково-технічных інформацій СР Станїслава Луптакова.  Подїя принесе преднашкы і конференції, воркшопы, експеріменты і діскузії з одборникми. Іновації і сучасны тренды приближыли лаічній публіцї зрозумілов формов. ,,Тыждень наукы і технікы є прилежітостёв указати шырокій публіцї, же наука на Словеньску мать якостны резултаты, людей і потенціал напредовати,” згорнув ґенералный директор Центра науково-технічных інформацій Роберт Ґалик. Луптакова приближыла, же навщівників чекать проґрам, котрый буде напряменый на практічне вывжытя умелой інтеліґенції в різных областях од здравотництва через школство аж по уменя і забаву.

(TASR, Шутіова)