Премєр Роберт Фіцо жадать міністра транспорту Йозефа Ража, жебы з безодкладнов платностьов одкликав ціле веджіня Желізнічной компанії Словакія (ŽSR) і представив пропозіції на выменованя новых представителів. Так само приближыв, же Раж му запропоновав свою функцію, но він вырішыв „у тім моменті“ іншак. Премєр то повів по понедільковім міморяднім засіданю влады ку гаварії влаків коло Пезінка. Фіцо так само пояснив, же Раж быв у часі гаварії в загранічу. Премєр уточнив, же резорт транспорту вєдно з односныма транспортныма секціями в середу представлять пропозіцію компензації про зраненых при гаварії влаків.

(Медвідь, TASR)