Паціентьскы орґанізації в области онколоґії підписали сполочне меморандум. Пять обчаньскых здружінь- Ліґа проти раковинї, Нї раковинї, Лімфома і Левкемія Словенько, Онкоінфо і Амазонкы в нім декларують свій інтерес поступовати єднотно, соналежно і коордіновано в засадных темах, дотуляючіх ся онколоґічных паціентів на Словеньску. TASR о тім інформовала ПР манажерка ліґы Яна Алексова. ,,Підпис меморанда приходить в часї, коли паціенты челять проблемам в доступности іноватівного лїчіня, вчасной діаґностікы, в манажментї старостливости і в области паліатівной і довгодобой старостливости. Орґанізації зато поважують сполочный поступ за потребный крок ку посилнїню голосу паціентів і конштруктівной комунікації зо штатом, одборныма інштітуціями і здравотныма поіщовнями,“ увели в сполочнім становиску. Кооперація ся буде подля Алексовой зосереджовати головно на коордіноване верейне выступованя, пошырёваня інформацій, сполочны становиска і комунікацію в областях, де сіґнатарі найдуть переник.

(TASR, Шутіова)