Суд в україньскій метрополі Кієв выдав приказ на конфішкацію російского танкера Nika Spirit, котры україньскы уряды 25-го юла затримали в приставі Ізмаїл. Інформувала о тім аґентура ТАСС з одкликаням ся на выголошіня україньской воєньской прокуратуры. „В згоді з нормами існуючіх меджінародных договорів ратіфікованых Російов і Українов неє потрібне здобыти згоду або поволіня заступцю діпломатічной місії ці конзуларного уряду чужого штату на дослідницькы актівіты в наморнім ці річнім транспорті на Україні. Зробили сьме то леґалні,“ підчеркнув Анатолій Матіос, україньскый воєньскый прокуратор. (TASR, Пкф)