Росія представила США свої претензії у одношіню до войны на Україні. Два джерела агентурі  Reuters інформуваны зо справов указали, же Росія Сполученым штатам загнала список претензій, котрых сповніня є потрібне на досягнутя договору о скінчіню войны на Україні і обновліня односин з Вашінгтоном. Покы не є ясно, што конкретно Москва пожадує ани ци є охоча зачати міровы дебаты з Києвом перед акцептованьом єй условій. Російскы і америцькы представителі о тій темі діскутовали в часі особных і віртуалных стріч за послідні три тыждні. США і Україна актуално очікують одповідь Росії на їх пропозіцію на підписаня 30-дньового тырваючого приміря. Говорця Кремля Дмитрій Песков в середу повів, же Росія на америцьку пропозіцію зарегує аж по тім, як єй Сполучены штаты дають конкретнішы інформації. (TASR, Pkf)