Сербскый міністер господарьства Раде Баста запропоновав, жебы Белеград запровадив санкції проти Росії. Іде о перше выголошіня представителя сербской влады, котрым ся одкрыто выражать підпора санкціям проти Москвы, што представлює одклон од офіціалной позіції Белеграду, інформує аґентура HINA. Баста в понедільковім пресовім выголошіню повів, же Сербія „вже платить высоку ціну за незапроваджіня санкцій проти Росії“, і же ціла сітуація стає „незнесительнов“. Його выголошіня выкликало незгоду в партії Єдина Сербія, котра є коалічным партнером у владі премєркы Аны Бырнабічовой, як і пожадавкы на Бастову резіґнацію.

(Медвідь, TASR)