Мадярьскый премєр Віктор Орбан надале не підпорує вступ Україны до Европской унії а одмітать ускореный процес приятя країны до сполоченства. Подля сервера index.hu то повів перед неформалным самітом Еврoпской рады на белґіцкім замку Алден Біесен, інформує справодайця TASR в Будапешту. ,,Сон, сон, солодкый сон,“ тыма словами реаґовав Орбан на можный вступ Україны до ЕУ в роцї 2027. Орбан твердить, же є потребне досягнути закончіня войны, бо економіка не може протягом нєй рости. Повів тыж, же ЕУ бы мала свої пінязї міняти на себе а не їх посылати інде, наприклад на фінанцованя Україны, а же цїны енерґій треба понижати, бо є то врай найвекшый проблем европскых подників.

(TASR, Шутіова)