Крайска надація ПСК про підпору родины на першім тогорочнім засіданю підпорила аж 86 бідных єднотливцїв і родин з Пряшівского края, котрым путує фінанчна поміч в цїлковій вышцї 33.400 евр. Надачны грошы їм поможуть зо забезпечінём регабілітацій, але і з різныма терапіями, шпеціалныма здравотныма помічниками ці лїками, з потравинами і основныма жывотныма потребами. TASR о тім інформовала говоркыня крaя Даша Єленёва. Як повіла, в 43 припадох є фінанчна поміч крайской надації напрямена до підпоры регабілітацій про дїти ці дорослых а до їх регабілітачных побітів, котры здравотны поіщовни не переплачають. Надація ПСК про підпору родины цїлково од свого зоснованя в роцї 2019 помогла уж веце як 1 400 жадателям а меджі тых перероздїлила окрем вецных дарів веце як 1,03 міліона евр. Єднотливцї і родины в Пряшівскім краю можуть надацію о фінанчну і нефінанчну поміч жадати протягом цїлого рока. Потребны документы суть доступны на вебовій сторінцї надації.

(TASR, Шутіова)