На гранічнім переході Вышнє Німецьке – Ужгород є од днешнього дня до 18-го марца 2026-го року частково обмежена робота в накладнім транспорті. Причіном є реґулярне технічне утримованя і метролоґічне перевірюваня дорожных ваг. Як пресаґентуру TASR інформовав говорця Фінанчной справы (FS) Даніел Ковач, робота буде тырвати в часі од 8:00 до 18:00 год. „Під час сервісных праць буде рух перерваный переважно лем в єднім смугі. Функчный смуг буде означеный дочасным дорожным значіньом,“ увів говорця з тым, же шоферів накладных авт при переході штатной граніці жадають о звышену увагу і о дотримованя дочасного дорожного значіня і приказів службудіючіх членів Фінанчной справы і Поліцайного збору. (TASR, Пкф)