x

Од 1. януаря 2019 мав бы быти адміністратівні простішый приход і заместнаваня заграничной робочой силы у нас

00

Конзуларна служба предпокладать і поступово евідує наріст чісла жадателів о дочасне бываня з цільом робити в Словакії і о жадости о віза з тым самым цільом прямо на одділіню загранічной поліції в Словацькій републикі. Пресову аґентуру ТАСР о тім інформував резорт дипломації. З тым є за словами мінестерства повязана пожадавка на персоналне посилніня, технічне довыбавліня  і можны просторово-будівельны реконштрукції конзуларных одділінь заступітельскых урядів у выбраных дестінаціях, вєдно Сербії і Україны. Стратеґія робочой мобіліты чужинців в СР мав бы од 1. януаря 2019 адміністратівно упростити приход і заместнаваня заграничной робочой силы  в недостатковых професіях в нашій країні. Влада ю одобрила в октобрі 2018.