Вельвысланець США на Словеньску Адам Стерлінґ у четверь оцїнив трёх Словаків за їх намагу о  пересаджованю людскых прав, прав жен і транспарентности на Словеньску. Оцїнеными суть директорка Надації  Zastavme korupciu Зузана Петкова, адвокат Роман Квасніца а інвестіґатівный репортер денника SME Адам Валчек. Петкова, котрa є бывшов інвестіґатівнов новинарьков, здобыла цїну Жена з одвагов. Стерлінґ оцїнив і єй теперішню снагу коло охраны ознамователїв корупції. Квасніца достав Цїну за людскы права за обгаёбу особ і орґанізації, котрых основны людскы права і слободы были подля Стерлінґа перегляданы або порушованы орґанами штатной моци. Квасніца в сучасности заступіє Златіцу Кушнїрову, матїрь Мартіны Кушнїровой. Адам Валчек перевзяв Цїну Яна Куціака, за транспарентность передовшыткым за репортажі о підводох і корупції, причім про свою роботу подля Стерлінґовых слов челив застрашованю і перенаслїдованю. Америцьке вельвысланецьтво удїлёвало вырочны оцїнїня за людьскы права і бой проти корупції уж по осмый раз.

                                                                                                          (TASR, Шутіова)