Владный кабінет Іґора Матовіча запропонував управити дакотры компетенції Народного іншпекторату праці з цільом зефектівнити орґанізацію і ряджіня іншпекції. Выходить то з пропозиції закона о іншпекції праці з дільні Міністерства праці, соціалных справ і родины СР, котру днесь одобрила влада і посунула на проїднаня Народній раді СР. Запропонувала тыж, абы новела закона зачала діяти од 1-го апріля 2021-го року. В пропозиції закона ся пише і о понижені долной границі таріфы покут за  пораніня в роботі, котрый быв на прічіні тяжкого пошкоджіня орґанізму, з актуалных 33.000 еур на  20.000 евр.  (TASR, Pkf)