Меджінародне воєньске цвічіня Strong Together 2025 перевірить приготовленость словацькых, іспаньскых, мадярьскых і польскых вояків бранити Словеньско по актівованю чланку пять змлувы NATO. Вояци будуть цвічіти головно на выходї Словеньска од 13. до 20. октобра. Запоєны будуть і далшы утвары у своїх домовскых посадках. Озброєны силы СР упозорнили на підвышену міру пересуну воєньской технікы почас того періоду. TASR о тім інформовав говорця ОС СР Штефан Земановіч. ,,Велительско-штабне цвічіня Strong Together  є не лем своїм розягом, але головно перецвічованов проблематіков выняткове. Протягом остатнїх веце як 20 років не мали велительства і штабы маневровых єдноток на вшыткых трёх уровнях велїня можность прямо в полю перевірити можность реалізації приготовленых планів обраны нашой державы,“  увів  заступця началника Ґенералного штабу ОС СР і директор цвічіня Мірослав Лорінц. Зарівно вызвав обчанів, жебы актівіты вояків не нарушовали. Є то важне головно з погляду їх властной безпечности.

(TASR, Шутіова)