Посередницьтвом 30.175 зробленых RT-PCR тестів одгалили вчера на Словакії 10.315 сітуацій інфікації новым коронавірусом. Прибыло 71 жертв. Інформує о тім Народне центрум здравотницькых інформацій (NCZI) на своїй інтернетовій сторинці covid-19.nczisk.sk. З 10.315 позітівні тестованых особ PCR тестом небыло скоро 72 процент заочкованых. ,,Найвеце позітівных тестованых было в Братіславскім краю, найменше в Трнавскім‟, увела говоркыня Міністерства здравотницьтва СР Зузана Еліяшова. Позітівный антіґеновый тест  мало 2058 людей, веце як 73 процент з них немать очкованя. (TASR, Pkf)