В многых словацькых містах ся в реакції на актуалну сітуацію в країні по убивстві новинаря Яна Куцяка і його приятелькы обявили „покровавлені“ трічка. Перед кошыцькым маґістратом знова активісты выляли умелу кров, відеозапис колує по інтернеті. „Покровавлені“ трічка с написми Нехочеме назад 90.рокы, Штуденты спойте ся! ці Нехочеме дальшый кровавый понеділок ся обявили наприклад в Братіславі перед Урядом влады СР, підході на Зоховій уливі ці в Карловій Всі, на місці, де прийшов о жывот Роберт Реміяш.
(TASR)