В суботу рано – 1-го фебруара 2020-го року, у віці 87 років, одышов до вічности русиньскый писатель Миколай Ксеняк з Ружомберку, родак із села Камюнка в Старолюбовняньскім окресі. Миколай Ксеняк быв довгорічным педаґоґом, русиньскым діятельом, першым русиньскым байкарьом, другым председом Сполку русиньскых писателів Словеньска, автором богатой русиньской літературной творчости, автором многых статей в русиньскій і словацькій пресі, лавреатом Премії Александра Духновіча за русиньску літературу, котру уділює Карпаторусиньскый научный центер в США. Миколай Ксеняк быв єдиным з русиньскых писателів, котрый свою літературну творчость присвятив темі русиньскых дротарів. Вічная ёму память.

(Анна Кузмякова)