Польскый премєр Матеуш Моравєцьлкый в понедільок выголосив, же на найблизшім засіданю Европской рады запропонує „Маршалів план про Білоросію“. Моравєцькый передтым їднав о Білоросії з парламентныма выборами, інформовала пресаґентура PAP. Премєр на соціалных сітах по стрічі написав, же даный план є конзултованый з далшыма членьскыма державми V4, і в рамках той ґрупы буде і передложеный. По парламентных розгворах Моравєцькый повів, же вірить в єднотну позіцію польской влады і опозіції у вопросі Білоросії, котра має подля його слов про Польщу „велике значіня“. Додав, же вшыткы партії ся згодли на тім, же Польща мусить підпорити боротьбу Білоросії о слободу, демокрацію і незалежность.

(Медвідь, TASR)