Брітаньскый премєр Борис Джонсон в понедільок обвинив Европску унію з огрожованя теріторіалной цілости Великобрітанії. Єдночасно вызвав депутатів, жебы підпорили нову леґіслатівну пропозіцію, котров бы Великобрітанія – подля Унії – порушыла части договору о брітаньскім выступліню з ЕУ. Інформовала о тім аґентура AFP. Премєр вызвав парламент, жебы не дав Унії принагоду розділити Великобрітанію і додав, же Унія Лондону грозить блокованьом потравин, причім леґіслатівна пропозіція має быти уратованьом, інформовала аґентура Reuters. Лондон минувшый тыждень оголосив, же передложыть пропозіцію, котров замірно порушує влони підписаный договор о брексіті. Зміны суть односны на такзвану ірьску поістку. Подля Унії тоты зміны представлюють порушіня меджінародного права.

(Медвідь, TASR)