В екстерьєрі вже не будуть повинны охранны маскы. Условне ослободжіня повинности оголосив в понедільок председа влады Іґор Матовіч на пресконференції в рамках інформованя о 4-ій фазі увольньованя рештрікцій в повязаню з новым коронавірусом. Єднако авізовав можность єднодньовой навщівы восьмеро европскых держав без абсолвованя повинной державной карантены, покля навщіва не перекрочіть 24 годин. Од середы 20-го мая настане 4-та фаза увольньованя, отворити будуть годны кіна, театры, но з максімалнов участьов 100 людей. Так само можуть отворити ся обходны центры, внутрішні базены і вонкашні шпортовиска ці рештаврації з публічным стравованьом в інтерьєрі. Од 1-го юна ся знова одкрыють основны школы, до котрых можуть вернути школярі першой аж пятой класы і матерьскы школы. Участь в школах буде добровольна. За понедільок на Словакії не прибыв ани єден припад хвороты COVID-19. Лабораторії зробили 2041 тестів. Інформовав о тім днесь централный крізовый штаб.

(Медвідь, TASR)