Комплехный шпортовый ареал з гріском з умелов  травов і атлетіцьков драгов планує місто Свідник выбудовати при Основній школі на Улиці 8-го мая до кінця будучого рока. Як інформувала пріматорка міста Свидник Марцела Іванчова в Свиднику бракують добры тренінґовы гріска на різны сорты шпортів. По ревіталізації ареалу там за єй словами ся выбудує гріско з травнатым пляцом, футбалове, волейбалове і баскетбалове гріско, тартанова драга, тройдоріжный округ, котрый буде в єдній часті шістьдоріжный, доскочіско на скок до довжкы і сектор на метаня ґульов ці діском. Реалны кошты на реалізацію проєкту выґенерує аж змаганя, але покы попередній бютжет є  у вышкі коло 600.000 евр. (TASR, Пкф)