x

В Гуменнім ся знова буде будовати

00

Місто Гуменне по вецей як десятьох роках зачало реалізувати выставбу квартельного будинку. На сідліску під Соколейом в Гуменнім выставбу в пятницю славностні зачав пріматор міста Мілош Мерічко і заступця реалізачной ставебной компанії. Готова бы мала быти до рока, як о тім пресову аґентуру TASR інформував Мерічко. В пятьштоковім квартельнім будинку вытворить ся 38-квартельных єдиниць. З них буде десять єдноізбовых, 18 двойізбовых і десять тройізбовых.  Фінанцуваня выставбы даного будинку буде з трьох джерел. Місто Гуменне на ню од Штатного фонду розвоя бываня здобыло вклад у вышкі 1.227.830 евр, од міністерства транспорту і выставбы на обстараваня найомных квартиль 688.060 евр і на технічну інфраштруктуру 33.570. Властны джерела міста на реалізацію ставбы суть в сумі 190.000 евр. На території міста є покы 702 містьскых квартиль. Містьскый уряд днесь евідує 83 жадости о приділіня найомного бываня. (TASR, Пкф)