Споєны штаты Aмерикы увалили фінанчны санкції на венезуельского презідента Maдурa і означіли го за діктатора. Стало ся так по недільных вольбох, котрых цільом была зміна штатуту. Maдурів маєток в Споєных штатах буде змороженый a aмерицькы жытелі мають заказане з ним обходовати. Презідент Мадуро ся санкціям высміяв і крітізовав Трампа, же ся мішать до справ Венезуелы. Протесты опозіції проти новому законодарству собі у Венезуелі выжадали уж 17 жертв. Далшый протест скликали на середу, бо в четверь мать засідати нове Уставодарне згромаджіня. Споєны штаты ся уж передтым припоїли до країн як Aрґентина, Колумбія, Перу, Meксіко ці Іспанія, котры декларовали, же вольбы во Венезуелі не узнають.
(Анна Кузмякова)