Змаганя добровольницькых гасічскых зборів в неділю 18-го авґуста одбыло ся в селі Збой в окресі Снина. Як інформовав староста села Ладіслав Ладомиряк, перемогла домашня команда. Команды, котры мали по штирьох членів, чекали подля слов старосты позмінены правила, як є при такых змаганях звыком. Змагали ся в гасічскій атаці і з автомобілом. Ладомиряк пояснив, же хотіли приближыти сітуацію, як кебы были гасічі прямо в реалній акції. Цільом была і освіта молодшых членів добровольных гасічів. Молодшы хлопці за словами старосты виділи, як ся реално гасить і процвічіли собі свою зручность.

(Медвідь, TASR)