Пряшівскый самосправный край (PSK) оцінить і в тім року вызнамны особности  ці колективы реґіону. Тот славностный акт ся одбуде в рамках призначуваня найвышшого крайского оцініня – Ціна PSK. Послідній час на подаваня пропозицій є 30-ый септембер. Пресову аґентуру TASR о тім інформувала говоркыня PSK Даша Єленьова. Ціна PSK є за єй словами прызначувана обывателям Словацькой републикы, як і чужым штатным членам, єднотливцям і колективам за довгорічный вынятковый вклад до розвоя Пряшівского края. Пропозиції на оцініня можуть окрім председы і посланців Заступітельства  PSK предкладати і містьны самосправы, орґанізації, інштитуції, подникательскы субєкты, але і шырока общность. (TASR, Pkf)