RTVS здобуде далшы грошы із державного розрахунку. Подля додатку Змлувы зо штатом, котру Рада RTVS в понедільок взяла до відома, буде годен верейноправный высылатель на выробу проґрамів схосновати далшых 1 129 110 евр. Цілкова алокація зо змлувы на тот рік по додатку буде 27 804 110 евр. „Навышены средства суть резултатом рішіня влады, котра выділила грошы на выробу проґрамів пропаґуючіх події ку 30-ій річніці Ніжной револуції, єднако так іде о грошы, котры на проґрамы у публічнім інтересі выділили і дакотры іншы міністерства. Наприклад на выробу проґрамів повязаных з річніцьов Новембра 89 RTVS здобыла 370 тісяч евр, котры схоснує на выробу радіовых і телевізных проґрамів,“ інформовала говоркыня RTVS Еріка Руснакова. В припаді грошей з розрахунків міністерстев RTVS выробить наприклад далшы части серіалу Polícia ці серіалу Moja diagnóza , котрый занимать ся темов превенції онколоґічных хворот.

(Медвідь, TASR)