Штуденты можуть в тых днях давати жадости о пожычку з Фонду на підпору освіты на академічный рік 2019/2020. Аґентуру TASR о тім інформовала Адріяна Ортова з фонду. Найвешков змінов подля Ортовой є піднятя максімалной сумы пожычкы про штудентів першого і другого ступня высокошкольского штудія на 3500 евр, про штудентів третього ступня на 6000 евр, што є в обидвох припадах піднятя максімалной вышкы пожычкы о 1000 евр. Фонд буде тот рік годен фінанчно підпорити 1800 штудентів. Заінтересованы можуть жадость о пожычку давати в двох термінах, будь до 15-го септембра, або до 31-го октобра. Детайлны інформації суть доступны на сайті фонду.

(Медвідь, TASR)