Опозічне KDH є пририхтоване зрушыти „зоштатніня“ пріватных і церьковных школ і бюрократізацію школства, покля буде в новій владі. Хрістіаньскы демократы то конштатовали у своїм становиску в реакції на віторкове схваліня законів із дільні резорту школства. KDH подля становиска буде ґарантовати, же покля буде у владі, котра вычерять владу Роберта Фіца, зрушыть Друкерово „зоштатніня“. Рух так само підкреслив, же як „партія Новембра 89“ честує право родічів выбрати собі про свої діти найліпшу школу і не є згодна з тоталітарныма практіками той влады. Парламент вчера схвалив дакілько леґіслатівных пропозіцій, котры дотуляють ся школства. Змінить ся наприклад способ встановліня школьскых округів. Од септембра 2027-го року буде передпрімарна освіта повинна про вшыткы чотырирічны діти.

(Медвідь, TASR)