Украіньскый презідент Володимір Зеленьскый в понедільок на стрічі міністрів загранічных діл членьскых держав Европской унії в Києві повів, же довжка войны з Російов буде завісити од підпоры, котру Україна дістане од своїх союзників, інформує аґентура AFP. Унійны шефове діпломацій в Києві зышли ся в понедільок, жебы проявити довгодобу підпору Україні з боку Европской унії. Ішло притім о історічно першу стрічу мімо граніць членьскых держав Унії. Засіданя Рады про загранічны діла ЕУ на Україні Зеленьскый означів нелем за вызначный прояв солідарности, але і за крок ку „посилніню нашой сполочной Европы“. Выголошіня, котре публіковав уряд презідента цітує Зеленьского высловы, же перемога Україны прямо завісить од співпраці з їй партнерами.

(Медвідь, TASR)