Суботнї походы за права ґеїв і лезбічок, як і заступників родины підпорять і дакотры посланцї парламенту. Председничка клубу SaS Наталія Благова підпорить Дуговый поход. Посланцї гнутя Smer rodina Boris Kollár зась будуть брати участь на поході Hrdí na rodinu. Most-Híd зохаблять участь на походох на сумлїню посланцїв. Благова вірить, же Дуговый поход буде продовжовати так як і остатнї рокы в приятельскій атмосфері. ,, На розділ од іншых держав, де ся подарило хоронити права той меншыны, є Дуговый поход на Словеньску важным апелом на толеранцію векшыновой сполочности не лем про меншыны з боку їх партнерьского і родинного жывота і пережываня властной ідентіты, але і про тых, котры стоять на їх сторонї,” продовжыла Благова. Презідентка Зузана Чапутова ани председа влады Петер Пеллеґріні (Smer-SD) не будуть притомны на походї Hrdí na rodinu ани на Дуговім походї. Председа Народной рады СР Андрій Данко ся рихтує на поход Hrdí na rodinu. ЛҐБТІ актівісты і тыж застанцёве родины будуть в суботу (20.7) походовати в Братїславі.

( Шутіова,TASR)