Естонія ся стала в Европі першов країнов, котра дасть можность практично по цілій території путовати автобусом задармо. Вірить, же такым способом заставить процес вылюднёваня сел і єдночасно понижыть цілкову спотребу палив. Путованя автобусами є од зачатку юла задармо в єденастьох з його 15 окресів. Проґрам, котрый платить в країні од зачатку того місяця, є выслідком дискусій меджі владов і представительмі окресів. Проєкт є повязаный і з минулорічным вердіктом парламенту, же спотреба фосілных палив в країні в року 2030 немать быти вышша, як была в року 2012.
(TASR)