Міністерство роботы, соціалных дїл і родины СР приготовлює великый проґрам на підпору заместнаваня молодых людей. По выяздовім рокованю влады в Кошіцях, напряменім на выробу авт і переход на електромобіліту, то увів шеф резорту Ерік Томаш (Hlas-SD). Подля нёго хотять затрактівнити робоче середовище на Словакії так, жебы ту молоды люде зоставали, або ся ту вертали. ,,Рихтуєме приспівок про заместнавателїв, котры вырїшать заместнати молодого чоловіка такой по школї – ці уж по высокій або по середній. Буде то барз інтересный приспівок. Тот наш проґрам бы сьме хотїли спустити 1. апріля – жебы од 1. мая, то значіть на Свято роботы, зачав платити, жебы ся уж робило з приспівком про заместнавателїв, котры заместнавають молодых людей,” повів з тым, же іде о проґрам з назвов Право на перше заместнаня.

(TASR, Шутіова)