Судный процес з бывшым председом Найвысшого суду СР Штефаном Г. бы ся мав на Шпеціалізованім трестнім суді в Пезінку зачати 25-го марца. Противостоїть обжалобі поданой про провініня ганобіня народа, расы і пересвідчіня і провініня одобруваня трестного поступку. Выходить то з інформації, котру пресаґентурі TASR дала говоркыня Ґенералной прокуратуры СР Яна Тöкöлиова. Прокуратор Уряду шпеціалной прокуратуры подав обжалобу  1-го юна 2023-го року. “Провініня ся дотулять інтернетовых высловів обвиненого з дня 25-го фебруара 2022-го року выконаных через соціалну сіть www.facebook.com, і то на аґресію Російской федерації проти Україні,“ приближыла говоркыня. (TASR, Pkf)