Енвіронменталный фонд спущать дотачны вызвы про самосправы на рік 2025. Фінанчно планує підпорити проєкты будованя каналізацій ці верейных водоводів, але і підвышіня енерґетічной учінности єствуючіх будов. TASR о тім інформовав одбор комунікації Міністерства жывотного окружіня СР. Міністер жывотного окружіня Томаш Тараба сі думать, же при одканалізованю сел є лїпше приготовлёвати проєкты про цїлы реґіоны. Як повказало міністерство, фонд приготовив схему і  на підпору одпадового і обігового господарьства. ,,Жадателї будуть коло подаваня жадостей передкладати меншу кількость повинных прилог, як тому было в минулости. Зарівно сьме завтоматізовали годнотячі крітерії, дякуючі чому буде выгодночованя жадостей о підпору енвірофонду скоріше, як было дотеперь,” повів Тараба з тым, же тоты крокы понижають адміністратівну затяж самосправ.

(TASR, Шутіова)