Засобы кровных ґруп А і 0 з неґатівным Рг фактором суть гранічны. Інформовала о тім народна трансфузна служба СР. Людей вызывать на дарованя. ,,В актуалнім тыждню ся нам понижали засобы кровных приправків, в гранічных множствах маме засобы кровных ґруп 0- і А-. Здравотницькы заряджіня але надале засобуєме неперерывно а без обмеджінь,“ приближыла на соціалній сїтї. Дарцём кырві ся може стати каждый, кто мать 18 аж 60 років, мінімално 50 кілоґрамів а сповнять основны здравотны пожадавкы. Вшыткы актуалны інформації ку дарованю ся находять на вебовій сторінцї www.ntssr.sk.

(TASR, Шутіова)