Безплатный вступ до музеїв і ґалерій в зряджовательскій пособности Міністерства културы СР кажду першу недїлю в місяцї ся рушить. Вырїшив о тім резорт в повязаню з економічным досягом пандемії нового коронавірусу. Дотулять ся то і вшыткых 18 шпеціалізованых музеїв Словацького народного музея, котры од 6. до 12. мая поступно зась отворили про публіку свої выставы, експозіції а поступно і вонкашнї ареалы.

(TASR, Шутіова)