Председа мімопарламентной партії Spolu і депутат Народной рады Словацькой републікы Мірослав Коллар підписав з експремєром Мікулашом Дзуріндом меморандум о сполочній політічній будучности. Партія Spolu о тім вчера інформовала на соціалній сіті. З меморандуму выходить договор на сполочнім поступі нелем про найблизшы парламентны вольбы. Підписом меморандуму подля Коллара потвердили інтерес і співпрацу на основаню сполочной політічной платформы, котра буде капчати проґрамово близкы політічны партії і рухы головно на членьскій базі Европской людовой партії. Дзурінда декларовав інтерес о шыроку співпрацу, котра має зліпшыти обставины на Словакії і утримати їй евроатлантічну орьєнтацію. Підкреслив, же тот ціль дає досягнути ся лем спаяньом і співпрацов існуючіх демократічных політічных зґруповань.

(Медвідь, ТASR)