Міністер заграничных справ і европскых діл СР Іван Корчок ся вчера свойому україньскому резортному партнерові Дмитрові Кулебові оправдав за высловы словацького премєра Іґора Матовіча у звязку з Українов. Інформував о тім Корчок на соціалній сіті. Матовіч вчера в часі дебаты в релації Rádia Expres увів, же за російску вакціну Sputnik V обіцяв Москві Закарпатьску Україну. Корчок подля своїх высловів вчера комуніковав з україньскым міністром заграничных справ Кулебом, котрому ся за “невгодны высловы“ премєра Матовіча оправдав.  (TASR, Pkf)