Словацькы міста ся можуть од четверя запоїти до четвертого рочника народного оцїнїня Енвіромісто 2023. Приголошіня потырвать до 5.юна. На тисковій конференції о тім інформовав штатный таёмник енвірорезорту Юрай Сматана а директор Словацькой аґентуры жывотного окружіня Михал Мацо. ,,До народного оцїнїня ся можуть приголосити вшыткы села на Словакії зо штатутом міста, котры годни презентовати свої прикладны актівіты а добры резултаты в рамках урбанного жывотного окружіня і містьского розвитку,“ повів Сметана. Цїлём є подля нёго підпорити тоты міста, котры актівно уплатнюють енвіронменталну політіку не лем у своїх планох, але і в праксі.

(TASR, Шутіова)