До выбавы професіоналных гасічів на Словакії прибыла перед концём календарного рока нова техніка за веце як 12 міліонів евр. На четверёвім тисковім бріфінґу веджіня Міністерства внутрїшнїх дїл СР і Гасічського і захранного збору в Жілінї то ознамив міністер внутрїшнїх дїл Матуш Шутай Ешток (Hlas-SD). Нову техніку одовздав в ареалї Середнёй школы пожарной охраны МВД СР міністер внутрїшнїх дїл довєдна з презідентом ГіЗЗ Адріаном Міфковічом. Великостёв доміновали цістерновы автомобіловы стрикачкы з великокапацітнов надыржов. ,,Суть то штири авта, котры будуть способны засяговати і в тім найгоршім теренї. Одовздаваме і десять гасічскых роботів, котры знають засїговати в условіях, де многораз ани нашы гасічі не знають быти напомоцны, ці уж суть то підземны ґаражы або технолоґічны паркы,“ увів Шутай Ешток. В паклику новой технікы суть і захранны пластовы плавила, ручный електрічный верцайґ, радіостаніцї і выпочтова техніка. Одовзданый быв і першый проторіп авта Scania 1B.

(TASR, Шутіова)