Два тыждні плаченого вольна про отців, і кедь мама поберать єдночасно матерьскый або родичовскый вклад. Тоту новинку приносить новела Законника праці (ZP) Міністерства праці, соціалных справ і родины СР (MPSVR SR), котру вчера одобрила Народна рада СР (NR SR). Іде о транспозицію предписів Европской унії до правного порядку СР. Новела закона буде діюча од новембра 2022-го року. Закон підпорило 132 зо 133 притомных посланців. Цільом правной управы є подля резорту праці підпорити рівномірно розділіня повинностей при стараню о дітей меджі женами і хлопами і вытворіня пута меджі няньом і дітинов уж в раннім віку дітины, што найскоріше по народжіню. (TASR, Pkf)