В тых днях є найлїпшый час на превенцію проти хрипцї. Одборны авторіты з области здравотництва вызвали людей на то, жебы ся проти хрипцї дали заочковати. Увагу звертають головно на старшу ґенерацію, жены, котры суть грубы ці людей, котры мають хронічны захворїня. Міністер здравотництва СР Владїмір Ленґварьскый (nominant OĽANO) у четверь повказав на то, же очкованя є найлїпшым способом, як передходити хрипковым захворїням і комплікаціям, котры з них выходять. ,,Превенція є все найтунша а найлїпше хоронить перед тяжкым вывоём захворїня, ці уж іде о хрипку або COVID-19,“ повів шеф резорту здравотництва. Зарівно вызвав докторів, жебы своїх паціентів інформовали о можности заочкованя.

(TASR, Шутіова)