Штат дочасно заводжує найстрогішы крокы од першого припаду коронавірусу на Словакії. Од днешнього дня од півночі, до понедїлка 13-го апріля до 23:59 год прінціпіално обмеджує рух людей. Тот заказ ся не односить на путь до роботы, купованя нутных потравив,  лїків про себе або про свою родину, як і дорогу до здравотницького заряджіня. Вынятком є і рух в природї в рамках окресу. Міморядны крокы влады на період свят ся дотулять і переходїв через граніцї. Штат од днесь до пятніцї 17-го апріля обновлює котролї на граніцях з Автріёв, Мадярьском, Чеськов републіков і Польском. На теріторії Словакії ся буде мочі дістати лем через дакотры гранічны переходы. (TASR, Pkf)