x

Перед 73 роками ся на території Словакії одбыв найбруталнішый войновый злочин

00

Жывы памятниці Кырвавой неділі 21. януаря 1945, коли націсты в Кляковскій долині вывраждили обывателів і выпалили село, поступово одходять на вічность. Мы остатні прото неможеме допустити, абы свідчіня на траґічны події зостали лем в памяті німых памятників, вшыткы ся мусиме стати жывыма памятниками і незабыти. Повів то в неділю на споминовім згромаждіню з нагоды 73. выроча выпаліня села Острый Ґрунь і Кляк в Жарновицькім окресі підпредседа влады про інвестиції і інформатизацію Петер Пелеґріні. Як далі увів: “І єм барз рад, же мы, обывателі Банскобыстрицького края сьме тот репарат зробили а же сьме направили хыбу і завдякы тому днесь, певно вірю, же выступить застіпця банскобыстрицькой жупы, не прото, абы ся даным подіям высмівав а ними помітував, але абы ту в імя нового веджіня банскобыстріцькой жупы вздав вшыткым тотым людям почливість і вдяку.“ Масакер в Кляковскій долині є способом выконаня поважованый за найбруталнішый войновый злочин выконаный на території нашой країны. За поміч партизаном німецькы націстіцькы озброєны часті в сполупраці із словацькыма колаборантами забили 148 обывателів, переважно жены, діти і старых людей. Наслідно їх села выпалили.
(TASR)