Клуб воєньской історії Бескіды в послідню юлову суботу, 29-го юла, зорґанізовав вже 8-ый річник турістічного походу ку дзвоніці на битевнім полю з Першой світовой войны, котра находить ся на верьху Скоры, недалеко русиньского села Гостовіці. Дзовніця над селом была выбудована у 2016-ім році, втогды выникла і традіція того походу. В тім році на події брало участь понад 80 турістів із Словакії, Мадярьска і Польщі, котры абсолвовали 14 км довгу трасу. В рамках події одбыв ся і пєтный акт на войновім цінтерю, наслідовала молитва за павшых вояків прямо при дзвоніці. Вєдно з клубом поход орґанізовало село Гостовіці. Честну сторож і воєньского духовного забезпечовали Озброєны силы Словацькой републікы.

(Медвідь, KVH Beskydy)