На фармах в Медводьове і Няраде, в котрых была потверджена інфікація слинтачкы і кривачкы, продовжує вакцінація звірят очкованям латками привезеныма з Німецька. Про пресаґентуру TASR то повів Марош Сікора зо сполочности Naše Farmy, подля котрого ся натепер гледать спосіб, як што найефектівніше ліквідовати тіла утраченых звірят. Вакціны ся звірятам давають перед його утрачіньом, абы ся знижыла можность переносіня захворіня. Подля Сікору вакцінація в Медведьове і Няраде была скінчена вчера. Подля його слов ся уважує о вытіпованю сучіх фундушів, на котрых бы ся могли тіла звірят закопати при захованю вшыткых безпечностных опатрінь. На вырахуваня шкод, котры слінтачка і кривачка запричінить сполочности Naše Farmy, є  подля Сікору іщі скоро. (TASR, Pkf)