Кандідатів на предностів окресных урядів буде годна оцінити і верейность, вызвав на то премєр Іґор Матовіч. Назвав то „публічнов лустраційов“, номінантів найдуть люди на шпеціалнім вебсайті. Додав, же ся буде обсаджовати 72 місць предностів, рух OĽANO уж у своїм „передвыбері“ зоставив 70 мен. На засіданю влады слідуючій тыждень бы могли подля премєра схвалити векшыну номінацій. Люди ся ку номінантам можуть выразити до 10-го юла. Як о великых політічных ятках выразив ся на пресконференції в повязаню з выбером предностів експремєр Петер Пеллеґріні. Выбер предностів означів за чісту політізацію штатной справы і высміх воличам OĽANO.

(Медвідь, TASR)