Пряшівскый самосправный край в тых днях абсолвовав в Бруселї важны стрїчі з представітелями Европской комісії. Ішло о ключовы рокованя напрямены на злїпшіня кооперації меджі реґіоналнов і европсков уровнёв. Край ся так припоїв ку ініціатіві 144 европскых реґіонів зо 17 членьскых штатів, котра пожадує посилнїня і модернізацію когезной політікы Европской унії. TASR о тім інформовала говоркыня края Даша Єленёва. ,,Конкретно ся заступцёве ПСК концом януара в резіденції Европской комісії стрїтили з выконным підпредседом про соналежность і реформы Раффаелом Фіттом. Реґіоны декларовали потребу захованя когезной політікы і по року 2027. Про жытелїв Пряшівского края то значіть, же еврофонды як настрой реґіоналного розвитку будуть ку діспозіції і в далшім періодї,“ увела Єленёва.

(TASR, Шутіова)