Премьер СР Роберт Фіцо у вівторок (10. 3.) стрітить ся у Парижі з председничков Европской комісії (EK) Урсулов фон дер Леєнoвов. Хоче єй предложыти свої станoвиска к темі додавок ропы через теріторію Україны. Повторюючо буде апеловати на то, абы ЕК принутила україньского презідента Володимира Зеленьскым, абы дозволив візіту місця, де має быти пошкодженый роповод Дружба.   Буде тыж інформовати, же СР є в припаді потребы приправлена перебрати штафету по Мадярьску при блокованю пожычкы Европской унії (ЕУ) про Україну. Выходить то з выголошіня премьера у відеу на соціальній сіті. Тот крок має рішыти крытічный стан і обмеджіня суровины, котры тырвають уж довшый час.  Вопросы енерґетічной безпечности і фінанчной помочі про Києв так остануть главнов темов про владны партії. (TASR, Пкф)